ËSHTË KOHA ME NA NJOFTË
Ndoshta je lodh. Ndoshta ke shumë përgjegjësi, shumë njerëz që varen prej teje. E veten po e shtyn gjithmonë për më vonë. E kuptojmë. ShnetPaq nuk është veç për analiza e barna. Është për ty – që don veç një vend ku dikush të dëgjon pa t'ndërpre. Ku mundesh me u shfry. Me e çu mallin. Me u kujtu që edhe ti ke nevojë për dikë.Na jemi këtu jo me të ndreq. Po me t’u gjetë afër– thjesht, butë, si dikush që t’don përnime. Me zemër.
🫀 ShnetPaq. Për ty që gjithmonë ke qenë i fortë – e tash ke të drejtë me pushu pak.
SI LINDI SHNETPAQ?
Nuk filloi si ide. Filloi si dhimbje.
Ishte një natë kur më thirri një mik nga diaspora. Po i ndodhte diçka që s’e përballonte dot vetë. Kishte pësuar një atak paniku, ishte keq, shumë keq. Donte ndihmë nga një psikiatër, donte trajtim të personalizuar — por nuk kishte ku me shkue. Terminet e zëna, njerëzit e ftohtë, ndihma larg.
E vetmja gjë që i ndihmoi atë natë… ishte një bisedë me mua. Asgjë më shumë. Veç me u dëgju. Me i fol dikush që e kuptonte pa pasë nevojë me shpjegu gjithçka.
Aty m’u ndez diçka brenda.
Pastaj m’u kujtua një plakë. Një nanë që nuk dinte me fol gjuhën e huaj. Që nuk dinte si me ia shpjegu dhimbjen mjekut. E mjeku, ai s’e shikonte as në sy. I fliste ftohtë. Pa ndjenja. Pa shpirt.
Ajo ndjesi që je i huaj, edhe kur je në nevojë – ma preki shpirtin.
Kështu lindi ShnetPaq. Në fillim ishte veç një ndjesi. Një nevojë që më duhej me i gjet formë. E mora si gur të paformë dhe dita-ditës e gdhenda.
U bë vizion.
E kur fillova me ia tregu njerëzve, sytë e tyne ndriçonin. Qaty e kuptova që kjo s’është më ide – është mision.
Qysh kena me ta ndreq jetën tonde?
Qëllimi Ynë
Për ata që mbajnë shumë brenda, por askush s’ka kohë me i dëgju.
Për ata që ndihen keq, por s’dinë kah me shku. Ku me u shfry!?
Për plakun që nuk flet gjermanisht me mjekun. Për vajzën që mban dhimbjen n'vete, se s’do me i ngarku prindërit.
Për nanën që e ka harru veten, veç me e pa familjen mirë.
ShnetPaq nuk është veç aplikacion. As teknologji.
Është strehë. Është vend i sigurt. Është familja jote.
Ka me konë si ajo era e barit te shpija e vjetër n’katun. Si era e bukës t’nxehtë që e bojke nana jote. Si përqafimi i gjyshës që s’e ke ndje qe sa vjet.
Na besojna që kërkush s’bon me u ndje vetë. Se s’ka dhimbje ma t’madhe se me u ndi i harrum.
🫀 ShnetPaq është përgjigjja që i dhamë kësaj vetmie.
Na jemi familje. Dhe ky është misioni ynë — për ty. Për çdo zemër që ka nevojë me u dëgju.
Zemra e ShnetPaq:
Çka ëndërrojmë, pse jemi këtu, çka na mban gjallë?
Për një botë ku askush s’ndjehet vetëm
Me kriju nji botë ku kërkush s’ndjehet vet, sepse na jemi aty.
Ku kujdesi shëndetësor është njerëzor, i ngrohtë, i sinqertë.
Jo thjesht me shëru, por me përqafu jetën
Na e shohim një të ardhme ku çdo njeri — edhe ai që s’din me fol, edhe ai që s’ka za — e ka dikon që e dëgjon.
Sepse dikujt i duhet dikush që e dëgjon
Me konë aty për ty, kur nuk e ki kërkon afër.
Se dhimbja nuk ka nevojë për gjykim, po për afërsi
Me ta lehtu barrën, me ta kthy shpresën, me t’u afru si njerëz – jo si aplikacione. Me ta kujtu që nuk je vetë. Kurrë.
Besimi që një fjalë e mirë mundet me shpëtu një jetë
Dhembshuria – Se na dhimbset vërtet. Jo si profesionistë, po si njerëz.
Dëgjimi i thellë – Jo veç me vesh, por me zemër e me shpirt.
Respekti – Për secilën histori që na tregon, për secilën dhimbje që nuk shihet.
Për ata që s’e kanë familjen afër — ShnetPaq bëhet familja
Bashkësia – Sepse jeta është më e lehtë kur s’je vetëm, kur ke me kon me fol.
Besimi – E fitojmë dita-ditës, me veprime të vogla që vlejnë shumë.
Shpresa – Se edhe sëmundja ma e randë shërohet në duart e duhuna.
Kush jena na?
Na jemi djem e qika t'reja, doktorë, psikologë, farmacistë . jemi këtu për ty – për familjen tonde, për shoqninë tonde, për krejt njerëzit që i don e që të dojnë. Kemi me të dëgju me zemër, me u kujdes për ty ashtu siç e meriton. Çdo problem tondin e marrim shumë seriozisht, çdo hall tondin e trajtojmë me dashni e dije. S'jemi veç profesionistë – jemi njerëz që duam me të ofru zgjidhje të shpejta, të thjeshta, të vërteta. Sepse ti e meriton kujdesin ma të mirë. Na jemi si ti. Ti je si na. Jemi ni familje e madhe.
Çka na shtyn me vazhdu përpara?
Nji mesazh prej ni nane që s’din ku me çu fëmijën e vet. Nji plak që na falënderon veç pse e dëgjum e ja gjetëm ilaçin për dhimbjen e shpinës. Nji djalë që e kupton që s’është vetëm, që e msumë qysh me i kry provimet pa stres. Na s’mujmë me i rregullu krejt dhimbjet e problemet e botës. Po amo mujna me ju premtu që kemi me konë aty për juve sa herë të keni nevojë.
Lirim Isufi
CEO, CO-FOUNDER
Lirimi është mjek i diplomuar në Mjekësi të Përgjithshme. Ka studiuar neuromarketing në Yale dhe është thelluar në filozofi për ta kuptuar më mirë njeriun – jo vetëm trupin, por edhe shpirtin. Ai e themeloi ShnetPaq si një strehë për ata që ndihen të humbur, të pashpresë, të vetmuar. Për të, kujdesi shëndetësor nuk fillon me recetë, por me një zemër që të dëgjon. Beson se secili meriton me u ndje i parë, i rëndësishëm – dhe i dashur. Mjekësia për të është mision, jo profesion!
Çka fiton nëse na beson neve;
Ngrohtësi, kujdes të vërtetë, dikë që s’të len vetëm, por edhe:
Kujdes që t'kushtohet veç ty:
Secili njeri është ndryshe – edhe na e dimë këtë. Për secilin që na vjen, kujdesi jonë përshtatet me zemër, jo me ni formular. Se ti s’je veç një rast – je një histori që meriton vëmendje të veçantë.
Mjekun që e flet gjuhën e shpirtit tond:
Këtu nuk flet me një sistem – flet me ni njeri. Me dikë që ta njeh gjuhën e nanës, dhimbjet e heshtuna, vuajtjet që s’ke ditë me ja shpjegu mjekut në gurbet. Me dikë që s’të sheh si numër, por si njeri që ka nevojë për ngrohtësi, ni fjalë t'mirë… e dikë që e kupton.
Qysh me jetu ma mirë – pa stres, pa ankth, pa lodhje të kotë!:
Fillon kur ke dikë që t'dëgjon e t'kupton. Kur nuk sillesh nëpër spitalet e huja për ndihmë, por ndihma vjen te ti – në gjuhën tande, kurdo që ti ki nevojë. . Na besojmë që shëndeti s’është veç mungesë sëmundjeje, por edhe qetësi në mendje, ngrohtësi në zemër, dhe ndjenja që nuk je vetëm. Asnihere. Na jemi gjithmonë me ty.
Këtu munesh me u kujdes për nanën e babën – edhe kur je larg:
Munesh me i caktu një takim me mjekun, me marrë këshilla për barnat a për dhimbjet që s’po i tregojnë, me porositë suplemente që ju vijnë në derë, pa lodhje, pa stres. Se dashnia nuk matet me kilometra – e as kujdesi me praninë fizike. Mjafton me pas zemrën aty ku duhet… edhe pak ndihmë prej neve.
Për ty që do me ditë më shumë, edhe me u ndje ma mirë.
Këtu munesh me fol me mjekë që të kuptojnë, me marrë këshilla të thjeshta për vete e për ata që i don. Ke libra të shkurtë që tregojnë çka po ndodh me trupin e mendjen. Ke shkrime të thjeshta nga mjekët për me kuptu më mirë veten, me u qetësu, me marrë frymë pak ma lirshëm. Ki gjithcka që t'duhet për me konë i lumtur, mjafton me na besu.
Fjalë që të ndihmojnë me kuptu veten
Këto nuk janë tekste të thata – janë sqarime të thjeshta për trupin e mendjen. Janë shkru veç për ty, me kujdes, me dashni. 🧠 Se ti meriton me ditë të vërtetën – pa u lodh, pa u ngatërru
Get Knowledge
Shkrime të përditshme nga mjekët tonë – për ty
Çdo ditë, mjekët tanë ndajnë këshilla të thjeshta, të rëndësishme – pa fjalë të komplikume, pa frikë. Shkrujnë për krejt problemet shëndetësore të tuat dhe qysh me i zgjidhë ato: për lodhjen, ankthin, dhimbjet, për fëmijët, për gjumin, për shpirtin.
Get Knowledge
Le të punojmë së bashku.
Ose na kontaktoni në: ShnetPaqOfficial@gmail.com